Lanbide tradizionalak Diputación Foral de Gipuzkoa (logo)


[4]

Azken kaxagile-tipografoak

       Inprimategia Johannes Gutenbergek asmatu zuela esaten den arren (Mainz, Alemania 1397-1468), ordurako, txinatarrek inprimaketa sistemak erabili eta papera, tinta eta prentsak ezagutzen zituzten. 1440 aldera, Gutenbergek ideia bikaina izan zuen: letra bakoitza, banaka, egurrezko pieza batean grabatzea, horrela inprimatu beharreko testuak konposatzeko. Asmakizun horri esker, akatsak gutxitzea lortu zen, karaktereak mugitu eta aldatu baitzitezkeen. Tipografiak xilografiaren bidez marrazki edo testua egurrezko pieza batean grabatzen zen, gero hori tintaztatu eta paper edo pergamino gainean sakatuz inprimatzeko. Tipografiak xilografiak ordezkatu zuen.

       Letrak edo piezak “elkartzen” zituzten langileei tipografo izena eman zitzaien.

       Lanbide honetako usadiozko betebehar asko oraindik ere egiten diren arren, aurrerapen teknologikoei esker, lan horiek era ezberdinean eta askoz ere hobeto egiten dira. Hori dela eta, usadiozko teknikak inprimategi txikietan eta lan berezietarako bakarrik erabiltzen dira, eta horiek eskarmentu handiko langileek bakarrik ezagutzen dituzte.


Gipuzkoa.net (logo) 2011 Lanbide Tradizionalak. Berrikuntzako eta Jakintzaren Gizarteko Departamentua